الرئيسية / منوعاتية / طاحت الصَّمْعة وْعَلْقُو المنسي

طاحت الصَّمْعة وْعَلْقُو المنسي

سعيد مهمة

قال المجدوب، و كلام المجدوب ما عليه هروب

“السَّن يضحك للسن، و القلب فيه الخديعة…”

لي باعك يا الحبيب خَلِّيه، لا تْسَال عليه

لُوحُو بدرهم و نْسَى الْهَمّ

“نساه نساه لا تسال عليه

 غِير سِير، سير وخَلِّيه

 إلى طال الزمان راه ربِّي غي يَحْكم فيه…”

هكذا قال شيخ الحلقة

صورة تعبيرية

                                 ************

قاليك حنا حباب و اصحاب و همنا واحد

نخرجو من المحنة و قلوبنا تَتْهَنا

تعاهدنا خُوت و على حقنا نَمْشِيوْ حتى يَتْصَفَّى

يفرحُو الشيوخ و الشيخات لي كتبوا بالقلم و بالقلم…

 و حَنْشُو كثير الكنانش و الألواح

و عَلْمُو الصغار و الكبار، ومْحَاوْ من العقول الْوَهْم يا صاح

و لما زال الهم والغم، وْبَانْ شْوِيَ من الحق

 يا ويل هذا الحق، ياويلو

تفرقنا، و لي خذا وَدَّا، شاف لي عاود تطلب الحق تعادى

 حسبو ظالم، جاني خَصُو بالهراوة يَتْرَبّا

عجبو ما جاه وبالفرح سماه “هذا حقي يا ناس

 هذا حقي، أنا المزلوط، أنا كنت مرمي، معمي

 كنت السفلي، تم مرمي، تم مَلْيُوحْ…. “

 و عَوَّلْ يدير الفراجا و البهجا

*************

 مع من أنا ؟ مع الملهوط لي يقلب على الصاحب الْكَبُّوط  ؟

أنا وحدي، هذا جهدي، هذا سعدي، و لي طاح

ما بقى ما يَدِّي

 و مُولْ الفرحة

نْسَى لي كان معاه فالحلقة و مْكَتَّرْ الجوقة

نسى لي كان معاه هاز العلام و غادي القدّام

**********

و لي هَزُّو الما، ما تْصَرْطَاطْ ليه ديك الدُغْمة

و اخرج ناكد مهموم، ما جاه النوم

كي يتفكر كثرة القوم قبل ما يترفع الحجاب

 كيف كانو ديك ساعة رجال

 و اليوم بان الدرهم ولدهم

 الله يفكها بخير و اخلاص.

عن Scoopress

تحقق أيضا

التحرّش يُبْعد وردة …

اللاعب عمرو وردة(رقم 22) سكوبريس.ما متابعة قرر خافيير أجيري المدرب المكسيكي للمنتخب المصري لكرة القدم، …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

Using cookies
هذا الموقع يستعمل الكوكيز من أجل استعمال أفضل. إذا استمرّيت بالتصفح فإنك توافق على قبول ملفات تعريف الارتباط المشار إليها، وقبول سياسة الكوكيز.