الرئيسية / ثقافية / خبز الواليدة

خبز الواليدة

سعيد مهمة

طعام الواليدة

جَرَّبْت طعام القهاوي

كْلِيت خبزها، اشربت ماها

كليت المسمَّن، كليت الحلاوي

كليت الحرشة ، كليت لملاوي

كليت و كليت، حتى طعامها مخليت

*****

خبز لَمِّيمة، ينفع يْدَاوي

هي تطحن، تغربل وتعجن

تنقِّي، تدفي بتوب نقي

تخبز الخبزة، تْبُوسها، تَدْعِي بالنفع

بالصحة، لي يْسَمِّي الله، ياكلها

خبزة الدار، فيها تشم ريحة الميمة الحنينة

مِّيمْتك أنت و أنتِ و أنا

تذكَّكر الأيام لي كانت بيديها ليك تطعم

تطعمك و هي فيك تشوف ، تضحك،

لما تشبع ، و عيونها من الفرح تدمع

طَبْطَبْ عليك بعد الشبع تنام ،

كانت تردد: “نِينِي يا مُومُو ، نيني يا ولدي

نيني يا كبدي ،بصحتك يا ولدي،

أنت بعد الله هو لي عندي ، نعس يا ولدي

سريرك ، مهدك على يدي ، نيني يا ولدي…”

خبز الوليدة لي بحالي مْغَرَّب ، لي عايش لْهِيهْه و لهيه

وَلِّي لُمِّمة ضاعت ليه

 هو لي يعرف بْحَقْ خبز الواليدة .

عن Scoopress

تحقق أيضا

زوووم…العثماني: لن نعود ننتظر رحمة السماء

سعد الدين العثماني..نفعنا الله ببركته سكوبريس  رئيس الحكومة، سعد الدين العثماني يقول لكم:  أن المغرب …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *