الرئيسية / ثقافية / عيد واشْ من عيد

عيد واشْ من عيد

سعيد مهمة

هالعيد يالمصطفى…عيد واش من عيد

ماكَاين جديد…لا سروال لا دفينة

لا شُوفة امِّي الحنبنة

الكبش واخا رخيص راه داير قرون

القرون… القرون هما الفلوس

إيه راه كلامي مَسُّوس

انا عارف… غير طْوِي الصفحة

امي فاطمة شادَ النُّوبة والْعَزْرِي يَتْسَنا الهمزة

الهمزة ما تشري حوْلي، ماتخلص الماء ولا الضو

ولكن اللهم العمش و لا العمى

زمان كورنا كثرة فيها الظلمة

المشموت يموت يا الخوت

الجيب خاوي والله قادر يداوي

العطار مايبع لا سواك و ال حرقوس

علاش ما كاين عراس، ماكاين فلوس

الطباخة غاسلة الطناجر، وفيها كل نهار تجرجر

والغياط طُول نهار ينفخ، والطبال يضرب ويساوي

داير الكمامة، هذ العام ما كاين غرامة

زبد الْخَلْ على الخلول

الْعَوْد فالْكُوري ما يجري ما يجاري

حتى هو راه محجور

الله يفكها بخير يا الدراري

عن Scoopress

تحقق أيضا

 “موندو ديبورتيفو” تكذّب نفسها بخصوص راكيتيتش

ايفون راكيتيتش سكوبريس.ما ـ السعيد بنلباه  بعد كشفها ،يوم أمس السبت 01 غشت 2020،عن لقاء …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *