سكوبريس الخبر كما هو والتعليق حر
سعيد مهمة
توحشْتْكُم يا الاخيار
توحشت ناس هذا الدوار و ذاك الدوار
توحشت الصُّحْبة / توحشت طباشرية
توحشت الطلبة / توحشت
شارع محمد الخامس ـ سيدي قاسم
توحشت الدار و شْحَال من جار و جار
توحشت الغرس / توحشت الدرس
توحشت لي يغرس الحرف و يدرس
نحمدك يا العالي / سَلِّيتِي الشُّوكة بْلاَ دم
و بعد التقاعد رْمِيت الْهَم
نحمد الله، لي بْنِيتْ ما تْهَدم ما تردم
ها هو الغرس عاطي فزمان القحط
مرحبا بِلِي ما تخبر ما تعلم
الى جات / جات راه القلب مرتاح
ما نطلب مَعْطا، نطلب غير السماح
عليكم يا الخيار نْسلَّم
سيدي قاسم في15 يناير 2021
